PAPERKI I PEPOVJE

Autor: Vladimir Miholek | Zbirka: Paperki i pepovje

Gda gda stanem, najem počinka
Negde za bregom zvonec člinka.
Sednem pod drevo, prestrem stola
Tu je z menom meštrija moja.

Neso mi treba escajgi i šterke
Na paper zvadim zlatne paperke.
Nemam krištale ni porculane
Vreč žoke zbrčke, droptine slane.

Kaj če mi kelner, a niti ober
Sam sem gazda sebe ja dober
Par versi složim, ostavim za zutra
Puna je s KAJom i stara putra.

Malko si gotnem da v duše tu je
Zatika fteknem da reč ne vuje.
F stolnak skupim svoje pepovje
Torbo na pleče, moj pot takov je.

Poslušaj:

Čita: Velimir Piškorec