NOČNE VURE

Autor: Đuka Tomerlin-Picok | Zbirka: Japica i mloka

Tak ti mirno
V noči zgledi
Kaj pomisliš
Da se1 spi

Kad najempot
Eto graje
Maček mišu
Lekcijo daje

Još se ni to
Ne dokonča
Več lesica
Skače v koca

V dvoru štakor
S puno žara
Kopa tunela
Do virjana

Tam je v parme
V kotu s kra
Tvorec popil
Jajca sa

Vu zelju je
Pak krklanec
Vlovil se je
V drot zajec

A vu žitu
Hrček hara
Napunil je
Dva ambara

Tu je i družba
Od pet ježa
Kojo muči
Ravnoteža

Dok se šulja
Capak menda
Ne bi l našel
V štublu meda

Vredni mravi
Kukci crvi
Sakoj oče
Biti prvi

Motajo se
Sim pak tam
Nigdar ne znaš
Koj pe kam

Al čem dojde
Kesna vura
Primiri se
Cela rulja

Samo cvrček
Ne čkomi
Vu jegede
Još gudi


Poslušaj:

Čitaju: Josip Patačko, Velimir Piškorec